BOLBORETAS DE PRIMAVERA

Estes últimos días as xoaniñas estivemos facendo unha composicion primaveral ''bolboretas''😉 coa técnica de estampación.

A Profe Lorena deulle forma as esponxas coa axuda dunhas gomas. 

Preparamos os platos coa pintura e despois de escribir a palabra PRIMAVERA comezamos a estampar.  

Así nos quedaron. 

Deixámolos secar ata o día seguinte e fixémoslles os últimos retoques! 

Agora só lles queda voar pola nosa aula!👏👏👏

⭐🌟⭐🌟⭐🌟⭐

ACTUACIÓN DE PACO NOGUEIRAS

O pasado venres as xoaniñas vivimos un momento moi divertido no cole, visitounos Paco Nogueiras e puidemos disfrutar do seu espectaculo en directo.

Contounos varios contos: Elmer, O can de Milu, Quen é ese becho?, Selva, Ratos na escola... E acompañounos da sua música! 

Mirade  canto disfrutamos!

Ese mesmo día tamén tivemos psicomotricidade e desta volta subimos ao ximnasio coa Profe Lorena a facer diferentes actividades

⭐🌟⭐🌟⭐🌟⭐🌟⭐

CHEGOU A PRIMAVERA

 

O pasado domingo día 20 comezou a PRIMAVERA.

As xoaniñas estivemos decorando as nosas ventás con motivos primaverais. 

Comezamos picando as flores e as bolboretas con punzón.

Seguidamente colocámoslle o gomet as flores e as purpurina ás bolboretas.

Por último pegámolas nas ventás! 

BENVIDA PRIMAVERA!

⭐🌟⭐🌟⭐🌟⭐🌟⭐

ANALIZAMOS PALABRAS

Avanzamos na lectoescritura e as xoaniñas de 5 analizamos palabras nestas pizarras que elaborou a Profe Lorena. 

Con este tipo de actividades traballamos:

*Conteo
*Distinción de letras
*Silabeo
*Adquisición de vocabulario

Podemos facelo na asamblea ou como traballo individual na mesa. 

Gústanos moito porque podemos borrar unha e outra vez e é un soporte diferente as fichas!

⭐🌟⭐🌟⭐🌟⭐

 

ALEXA CUMPLE 6

Hoxe a xoaniña Alexa cumple 6 anos e así de contenta o  celebrou na aula! 

Rodeada de todas as xoaniñas soprou a vela do número 6.

Convidounos a tarta... 

E tivemos festa...moita festa! 

MOITAS FELICIDADES ALEXA!

SEMANA DA PRENSA

Esta semana conmemorouse a ''SEMANA DA PRENSA'' 

Hoxe venres as xoaniñas adicamos un tempo a traballar cos xornais na aula.  

Somos moi noviñas para ler os xornais e para entender todo o que nos contan, pero si que mirando e mirando as súas follas hai noticias que chaman  a nosa atención. 

Aproveitamos para traballar a lectoescritura a partir de diferwntes titulares. Así identificamos as vocais nas diferentes palabras e a cantidade existente de cada vocal. 

Nos xornais podemos atopar tamén a predicción do tempo meteorolóxico, así comprobamos o tempo en Galicia e na nosa vila Taboada 

Comprobamos tamén que hai noticia boas... Pero tamén malas....😔 

E levamos un xornal para a casa!

⭐🌟⭐🌟⭐🌟⭐🌟⭐

8 de MARZO. DIA INTERNACIONAL DA MULLER

 

Como cada 8 de marzo na aula das xoaniñas conmemoramos o DÍA INTERNACIONAL DA MULLER. 

As xoaniñas recordamos a importancia deste día e valoramos a igualdade. Nenos e nenas, homes e mulleres somos iguais e temos a mesma importancia e valor na sociedade na que vivimos.

Así o recolle o cartel que preside  a entrada do noso edificio. 

E tendo en conta a importancia das mulleres na nosa sociedade fixemos un agasallo para a muller máis importante das nosas vidas... A NOSA MAMÁ! 

Esperamos que vos gustase o noso agasallo!

 FELIZ DÍA A TODAS AS MULLERES!

⭐🌟⭐🌟⭐🌟⭐🌟⭐