Como sabedes as xoaniñas estamos levando a cabo na aula actividades da vida práctica e hoxe puxemos en práctica a acción de mercar nunha tenda.
Cando chegamos a aula na caixa da xoaniña tiñamos unha carta na que se nos encomendaba unha misión: MERCAR UNHA CAIXA DE TIRITAS, UN PRODUCTO ALIMENTICIO E UN CONTO.
Enseguida nos puxemos a pensar... onde poderíamos comprar ditos productos?
- Na farmacia, nun supermercado e nunha libreria! respondemos enseguida.
E chegou o momento de saír da aula e acercarnos ata Taboada a facer as nosas compras!
En parellas e formando unha fila saímos do cole
Chegamos á librería ARCO IRIS onde nos agardaba Montse.
Ensinounos todos os productos que ten á venda: prensa, contos, material escolar...ata ten obxectos de decoración!
Mercamos dous libros para a nosa aula e Montse agasallounos cunha piruleta e uns cromos!
Moitas gracias! Encantounos a visita!
A continuación dirixímonos ao supermercado CLAUDIO-VILOSA.
Alí agardávanos Gladis que nos amosou todo o que podemos mercar no seu súper: bebidas, conservas,galletas, cereais, foita, carne, productos lácteos, de limpeza... desinfectamos as mans e comezamos a visita polos pasillos do súper
Mercamos unha lambonada para comer na Alameda
Pagamos e recibimos un agasallo de Gladis.
Moitas gracias! encantounos a visita!
Saímos do súper e dirixímonos a Alameda para merendar.
Pero...aínda nos quedaba un reto por cumplir, mercar a caixa de tiritas, polo que, nos diriximos a farmacia MAR FERREIRO para mercala.
Alí agardávanos Mar, que é farmaceútica e nos amosou toda a farmacia. Chamounos moito a atención onde garda as menciñas, nun caixóns verticais que non parabamos de abrir e cerrar😉
Mercamos as tiritas
Mar tamén tiña un agasallo para nós!
Moitas gracias! Encantounos a visita!
Para rematar a xornada de compras e como nos portamos tan ben... disfrutamos un cachiño no parque!
Foi un día de experiencias inesquecibles no que tivemos oportunidade de disfrutar todos os compañeiros xuntos! Rematamos algo cansos...pero mereceu a pena!
🌟⭐🌟⭐🌟⭐🌟⭐🌟