Hoxe parece que volven as choivas polo que, onte pola mañá aproveitamos para facer a nosa visita obrigada do outono: saímos ao contorno do cole.
Desta volta levamos uns botes para recoller follas, ourizos, setas, pauciños, landras, castañas e todo aquilo relacionado co outono que nos chamou a atención e quixemos meter no noso ¨bote do outono¨
Despois de recoller os elementos do outono voltamos para a clase e coa axuda da Profe Lorena puxémoslle o nome e e a tapa e xa estaban listos!
Que guai poder meter a estación do outono nun bote!😉
Aproveitamos tamén para ensinarvos como fai uns días aplicamos a técnica do estampado con corcho para crear esta árbore tan outonal!
Con esta técnica favorecemos as nosas sensacións táctiles, melloramos a nosa motricidade fina e como non a creatividade artística.
🌟⭐🌟⭐🌟⭐🌟⭐🌟
No hay comentarios:
Publicar un comentario